மேகத்தைத் துரத்தினவன்

சுஜாதாவின் வழக்கமான துள்ளல் நடை. ஒரே அமர்வில் முடித்து விடலாம். சிக்கனமான கதாபாத்திரங்கள். கிளைமேக்ஸ் மட்டும் அவரது விமர்சன மொழியிலேயே சொன்னால் சிறிது அபத்தம். மற்றபடி விறுவிறுப்பான கதை. சித்தப்பாவின் வீட்டில் வளர்ந்த, பொருளாதார ரீதியாக சார்ந்திருக்கும் நிலையிலிருக்கும் இளைஞன், தன்னை விடுவித்துக் கொள்ள எந்த எல்லைப் போகிறான் என்பதும், மனிதரின் ஆதார உணர்ச்சிகளான காமம், வன்மம் ஆகியவை மனிதர்களை எவ்விதம் செலுத்துகிறது என்பதும் கதை நெடுக ஊடுபாவி உள்ளது. எளிதான, விரைவான வாசிப்புக்கு உகந்தது!